Leygardagin 29 mars hittust 750 limir til aðalfund hjá Føroya Pedagogfelag, sum varð hildin á Hotel Føroyum.

Gestarøðari var Torbjørn Jacobsen, formaður í Kommunufelagnum.

Á skránni var nýggja strategiin, sum forkvinnan bar fram. Strategiarbeiði í felagnum byrjaði í aug. 2024 og varð klárt at sjóseta í jan 2025. Við nýggju strategiini fer felagið m.a at arbeiða miðvíst við at seta týdningin av góðari námsfrøði á breddan, samstundis sum sjóneykan allatíðina skal vera á at viðlíkahalda og betra um sáttmála og lønarviðurskiftir hjá limum felagsins.

Sjálv visjónin sigur, at við námsfrøði vil felagið skapa eitt samfelag, har menniskju mennast og trívast, og komandi árið fer felagið at gera átøk, so sum at skipa fyri limatiltøkum og at skipa fyri eini ráðstevnu fyri allar limir seinni í heyst.

Nevndarval var eisini á skránni. Sæbjørn Johannesen stillaði ikki upp aftur, Gunnvá Akraberg Hansen varð afturvald, og nývald í nevndina er Joan Heinesen úr Klaksvík.

Nevndin skipar seg til fyrsta nevndarfund, sum verður hósdagin 3. apríl.